Bidean proiektuak, haurraren denbora errespetatuz eta berezkoa duen izaera sortzailea baliatuz, aukera anitzak eskaintzen dizkie ikasleei, tailer ezberdinetan eta zirkulazio librean, euren intereseko proiektuak gauzatzeko aukera eskainiz.​ Larraulgo Herri Eskolan, haur bakoitzak hautatzen du proiektua eta, aldi berean, haur bakoitza da proiektu.

 

Bidean proiektua ez da asmazio bat, ez da besterik gabeko burutazio bat. Emandako pauso bakoitza ongi pentsatu eta hausnartutakoa izan da, eta egindako aldaketa guztiek hobekuntza pedagogikoa izan dute oinarri. Ikaslea gure begiradaren erdigunean kokatu nahi izan dugu, eta haur bakoitzaren beharrei erantzuteko erarik eraginkorrena bilatu nahi izan dugu, baita topatu ere.

 

Bidean goaz.