Albisteak
Teodoro Hernandorena ipuin lehiaketan saritua
Larraulgo Herri Eskolako ikasle den Amel-en "Hitzen Ametsa" ipuina saritua izan da Teodoro Hernandorena ipuin lehiaketan. 1.saria lortu du 9-11 urte bitarteko kategorian. Zorionak Amel!
​
Ipuina irakurtzeko moduan duzue multimedia ataleko, liburutegiko ikasleen proiektuen artean, irakurri eta gozatu!
“Eskola txiki, bihotz handi” dokumentalaren estreinaldia
Azken hilabeteetan zehar hamaika dei, hitzordu, elkarrizketa eta grabaketa egin dituzte Larraulgo Herri Eskolako ikasleek. Agian zuk ere jasoko zenuen dei horietarkoren bat, izan ere, Larraulgo eskolaren iragana, oraina eta etorkizuna lotzen dituen dokumentala osatzeko, herritarrak, udaleko ordezkariak, gaur egungo eta iraganeko ikasle irakasle eta gurasoak kamara aurrean jarri dituzte. Kamara aurrean zein atzean lan egin dute herri proiektu hau aurrera ateratzeko eta iristi da lan guzti horren emaitza plazaratzeko unea.​
​
Abenduak 19an, arratsaldeko 17:00etan "Eskola txiki, bihotz handi" dokumentalaren estreinaldira gonbidatzen zaitugu! Zatoz!
Liburuen Altxorra
Asteartean liburuen altxorra Larraulgo Herrri Eskolara iritsi zen Galtzagorri Elkartearen eskutik. Hainbat ipuin aurkeztu eta kontatu zizkigun Imanolek. Kutxa gure artean dugun bitartean etekin ederra aterako diogu liburu bilduma eder honi!
Azaroak 25
Emakumeen aurkako indarkeria ezabatzeko Nazioarteko Egunean, Larraulgo Herri Eskolak bat egin du "Ez bazara arazoa, konponbidea zara" aldarrikapenarekin, indarkeria matxistaren aurkako borrroka agerian jarriz.
Ipuin kontalaria
Larraulgo kultur asteko egitarauaren baitan, Betzaida Urtaza Elizbururen ipuin kontaketa izan genuen asteazkenean liburutegian.
Gorputz adierazpena Amaiur Luluagarekin
Asteazkenean gonbidatu berezi bat izan genuen gorputz adierazpena tailerrean. Amaiur Luluaga dantzariaren gidaritzapean mugimenduan eta dantzan aritu ginen. Aste honetakoa lehen saioa izan zen, baina Amaiur gurekin izango dugu hilabetean behin gorputz adierazpenari ahalik eta etekin handiena atera ahal izateko.
A ze zortea honelako dantzari batekin elkarlanean aritzeko aukera izatea!
Gau beltza
Urriko azken egunean iluntasunak eta beldurrek protagonismo berezia hartu zuten Larraulgo Herri Eskolan. Mozorroak prestatzen, beldurrrak idazten, gaztainak erretzen eman genuen goiza. Arratsaldean berriz, eskola iluntasunean murgildu zen eta ibilbide berezi batean barrena eskolako misterioa argitzea lortu zuten haurrek!
Zaldizketa
Ostiralean proiektu berri bati hasiera eman genion Larraulgo Herri Eskolan, hilabetean behin gurekin izango den Kintze zaldiari nork bere burua aurkeztuz.
​
Zaldien eta gizakien ongizatea sustatzeko diseinatutako programa baten bidez, animaliekin harreman sendo eta errespetuzkoa eraikitzen duen hezkuntzan oinarritzen da Zaldizketa, bai zalduna eta bai zaldia ulertuz eta errespetatuz. Ostiralean izandako lehen esperientziaren ondoren, hurrengo saiorako gogoz gaude!
Gernika - Palestina
Gernika-Palestina herri ekimenak astelehenareko helarazi zuen elkarretaratzearekin bat egin genuen Larraulgo Herri Eskolan.
Paper artean
​
Aretoak itxura berezia hartu zuen atzo, egunkari zaharrei erabilera berriak emanez, esperimentatzeko aukera ederki baliatu zuten eskolako txikienek!
Argiarekin esperimentatzen
Argiekin jolasean aritu ginen ostiral goizean, iluntasuna argituz, argitasuna ilunduz, argi-ilunetan murgilduz!
Zientzia Zirkularra: UPV/EHUko ikertzaileak eskolara itzuli dira
EHUko arkeologo baten bisita izan genuen eskolan, esperientzia aberasgarria izan zen guztiontzat. Euskal Herriko Unibertsitatearen Campusa aldizkarian argitaratu berri dute zientzia zirkularraren inguruko artikulua Larraulgo Herri Eskolako esperienzia oinarri hartuta.