LARRAULGO HERRI ESKOLA

Larraulgo eskolak bidea egin du, bidez-bide batzuetan, bidezidorretan barna beste batzuetan, baina bideak honaino ekarri gaitu. Bide seinale eta jarraibide ugari dagoen garai honetan, ordea, Larraulgo eskolak bere bidea egiteko hausnarketa abiatu, eta bide berri bati ekiteko hautua hartua du. Aurrean agertutako erronkek erakutsi digute bidea, eta Larrauldik pasatako maisu eta maistrak izan dira bide eman dutenak. Bidegurutzeetan hausnarketa pedagogikoa eta ikaslearen ongizatea izan da gidari. Baina bidea amaitzen ez den ibilbide bat besterik ez da, aurrera egiten duena. Horregatik “Bidean” proiektua. Eta bidean elkartu(ko) gara maisu-maistra anitz, guraso zein ikasle, elkarreraginean eta elkarrekintzan bidea egiten jarraitzeko.